གསར་འགྱུར།

ལོ་སྔོན་མར་རྒྱ་ནག་དབུས་ཁྲིམས་ཁང་དང་ཁྲིམས་ཞིབ་ཁང་། ཉེན་རྟོག་སྡེ་ཁག་བཅས་ཀྱིས་བོད་ནང་བྱུང་བཞིན་པའི་རང་ལུས་མེར་བསྲེགས་ཀྱི་གནས་ཚུལ་ལ་ཆེད་དུ་དམིགས་ཏེ། རྒྱ་གཞུང་རང་ཉིད་ཀྱི་རྩ་ཁྲིམས་དང་འགལ་བའི་ཐོག་ནས་རང་ལུས་མེར་བསྲེགས་ལ་གདུང་སེམས་མཉམ་སྐྱེད་བྱེད་ཚོར་ཉེས་མིང་སྣ་ཚོགས་འོག་ཁྲིམས་གཅོད་ཆོག་པའི་བཀའ་རྒྱ་ཞིག་བོད་ཁུལ་གྱི་ས་གནས་ཞིང་ཆེན་དང་ཁུལ། རྫོང་རིམ་པ་བཅས་སུ་བསྒྲགས་གཏོང་བྱས་པའི་རྗེས་སུ། བོད་ཁུལ་གྱི་ས་གནས་སོ་སོའི་རྒྱ་གཞུང་ཁྲིམས་ཁང་གིས་རང་ལུས་མེར་བསྲེགས་གཏོང་མཁན་ཚོའི་ནང་མི་ཉེ་འབྲེལ་དང་དགའ་ཉེ་གྲོགས་པོ་དག་ལ་ཉེས་མིང་འདྲ་མིན་བཏགས་ཏེ་གང་འདོད་ལྟར་ཁྲིམས་ཐག་གཅོད་མགོ་བརྩམས་ཡོད་པ་ལྟར། ཉེ་ཆར་མཚོ་སྔོན་ཞིང་གྱི་ཐད་གཏོགས་ས་ཁུལ་ཙོང་ཁ་མཁར་(ཕིན་ཨན་)རྫོང་དུ་ཡོད་པའི་མཚོ་ཤར་ས་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས། བོད་མི་གསུམ་ལ་རང་བསྲེགས་གནས་ཚུལ་དང་འབྲེལ་ཏེ་རྒྱལ་ཁབ་ཁ་བྲལ་ལ་སྐུལ་སློང་བྱས་པའི་ཉེས་མིང་འོག་དུས་བཀག་བཙོན་འཇུག་གི་ཁྲིམས་ཐག་བཅད་འདུགརྒྱ་ནག་གཞུང་འབྲེལ་ཞིན་མི་དམངས་དྲ་བས་གནས་ཚུལ་སྤེལ་དོན། ཕྱི་ལོ་ ༢༠༡༣ ཟླ་ ༣ པའི་ཚེས་ ༡༨ ཉིན་གྱི་ཕྱི་དྲོ། མཚོ་ཤར་ས་ཁུལ་འབྲིང་རིམ་མི་དམངས་ཁྲིམས་ཁང་གིས། འཇིགས་མེད་ཐབས་མཁས་དང་། སྐལ་བཟང་དོན་འགྲུབ། བློ་བཟང་གསུམ་གྱིས་རྒྱལ་ཁབ་ཁ་བྲལ་གྱི་སྐུལ་སློང་བྱས་པའི་གྱོད་གཞིར་ཁྲིམས་ར་བསྡུས་ཏེ་ཁྲིམས་ཐག་བཅད་ཡོད་པ་དང་། འཇིགས་མེད་ཐབས་མཁས་ལ་ལོ་ ༥ དུས་བཀག་བཙོན་འཇུག་དང་ཆབ་སྲིད་ཁེ་དབང་ ༣ ལ་བཙན་འཕྲོག སྐལ་བཟང་དོན་འགྲུབ་ལ་ལོ་...

ཕྱི་ལོ་ ༢༠༠༨ ལོར་བོད་ས་ཡོངས་སུ་ས་བྱི་ཞི་རྒོལ་ཆེན་མོ་བྱུང་རྗེས། རྒྱ་གཞུང་གིས་བོད་ཀྱི་རྒྱལ་ས་ལྷ་སའི་གདན་ས་སེ་འབྲས་དགའ་གསུམ་གཙོས་དགོན་སྡེ་ཁག་ནང་། བོད་རང་སྐྱོང་ལྗོངས་ཕྱི་ལོགས་ཀྱི་གྲྭ་བ་གཅིག་ཀྱང་ཉར་མི་ཆོག་པའི་བཀའ་རྒྱ་བཏང་སྟེ། མདོ་སྟོད་སྨད་ཁུལ་གྱི་གྲྭ་བ་རྣམས་ཕྱིར་ཕུད་བཏང་ཡོད་པ་ལྟར།  སྔར་ལོ་ནས་བཟུང་རྒྱ་གཞུང་གིས་ཀན་སུའུ་ཞིང་ཆེན་ཁོངས་སུ་ཡོད་པའི་མདོ་སྨད་ཡུལ་གྱི་དགོན་སྡེ་ཆེ་ཤོས་བླ་བྲང་བཀྲ་ཤིས་འཁྱིལ་དུའང་། ཞིང་ཆེན་ཕྱི་ལོགས་ཀྱི་བོད་ས་སྟོད་སྨད་བར་གསུམ་ནས་ཆོས་སློབ་གཉེར་ཆེད་བསླེབས་མཁན་གྲྭ་བ་རྣམས་ཕྱིར་འཕུད་དགོས་པའི་བཀའ་རྒྱ་བཏང་ཡོད་པ་དང་། དེ་བཞིན། རེབ་གོང་རོང་བོ་དགོན་དུའང་སྲིད་ཇུས་དེ་ལག་བསྟར་བྱེད་མགོ་བརྩམས་ཡོད་སྟབས།  བོད་ནང་དུ་གྲྭ་བ་རྣམས་ཀྱི་བསླབ་པ་སློབ་གཉེར་ཐད་བར་ཆད་ཆེན་པོ་འཕྲད་བཞིན་ཡོད་འདུགའདི་ག་ལྟེ་གནས་ཁང་ལ་བོད་ནས་གསར་དུ་འབྱོར་ཞིང་གྲྭ་བྲང་དགོན་པར་སློབ་གཉེར་གནང་མྱོང་མཁན་ཞིག་གིས་བརྗོད་དོན། ངས་ཨ་མདོ་བླ་བྲང་དགོན་པའི་སྐོར་ལ་ཅུང་ཟད་ཤེས་རྟོགས་བྱུང་བའི་སྐོར་ནས་བཤད་ན། དགོན་པ་དེར་ཁྱོན་དགེ་འདུན་པ་ ༡༣༠༠ ཙམ་ཡོད་ཀྱང་། རྒྱ་གཞུང་གིས་དགོན་པའི་ནང་དགེ་འདུན་པའི་གྲངས་ཚད་གཏན་འབེབས་བཟོས་ཡོད།  རྒྱ་གཞུང་གི་གཏན་འབེབས་བཟོས་པའི་གྲངས་ཚད་ནི་ ༩༩༩  ཡིན་སྟབས། དགོན་པའི་ནང་དགེ་འདུན་པའི་གྲངས་འབོར་སྟོང་ལ་འབུད་ཆོག་གི་མ་རེད། ནམ་རྒྱུན་ཟླ་རེར་བླ་བྲང་དགོན་པའི་ནང་རྒྱ་གཞུང་གིས་རྒྱ་གཅེས་ཆོས་གཅེས་ཟེར་བའི་ལས་འགུལ་ཐེངས་གཉིས་གསུམ་རེ་སྤེལ་བཞིན་ཡོད། ཕྱི་ལོ་ ༢༠༠༨ ལོར་བོད་ཆོལ་ཁ་གསུམ་ནང་བོད་མིའི་ཞི་རྒོལ་ཆེན་མོ་བྱུང་བའི་རྗེས།  རྒྱ་གཞུང་གིས་དོན་རྐྱེན་དེ་དག་ནི་ཏཱ་ལའི་བླ་མ་དང་ཏཱ་ལའི་རུ་ཚོགས་ཀྱི་བརྒྱུད་སྐུལ་འོག་བྱུང་པ་ཞིག་ཡིན་སྐོར་གྱི་ཡིག་ཆ་ཞིག  ...

བོད་རིགས་དད་ལྡན་མང་ཚོགས་ཀྱིས་བྲག་ངོས་སུ་༸རྒྱལ་བའི་ཞབས་བརྟན་གསོལ་འདེབས་རྡོ་བརྐོས་བརྒྱབ་པར།  ས་གནས་རྒྱ་གཞུང་གིས་ཆབ་སྲིད་ལ་ཁ་གཡར་ནས་དམག་མི་ཁག་ཅིག་ཆེད་གཏོང་གིས་རལ་བཤིག་ཏུ་བཏང་སྟེ། དད་ལྡན་མང་ཚོགས་ཀྱི་ཆོས་དད་རང་དབང་ལ་བཀག་སྡོམ་བྱས་ཡོད་འདུག རྒྱ་གཞུང་རལ་བཤིག་ཏུ་བཏང་བའི་༸རྒྱལ་བའི་ཞབས་བརྟན་གསོལ་འདེབས་རྡོ་བརྐོས་མ། འདི་ག་ལྟེ་གནས་ཁང་ལ་གནས་ཚུལ་འབྱོར་གསལ། ད་ལོའི་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་གྱི་སྐབས་དང་བསྟུན་ནས།  མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་ཁྲི་འདུ་རྫོང་རྫ་སྟོད་ཤང་ཉ་མཚོ་ཁང་དམར་སྡེ་བའི་བོད་རིགས་དད་ལྡན་མང་ཚོགས་ཀྱིས། ས་གནས་དེ་གའི་བྲག་ངོས་ཤིག་ལ “གངས་རི་རྭ་བས་བསྐོར་བའི་ཞིང་ཁམས་སུ།། ཕན་དང་བདེ་བ་མ་ལུས་འབྱུང་བའི་གནས།། སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི།། ཞབས་པད་སྲིད་མཐའི་བར་དུ་བརྟན་གྱུར་ཅིག།” ཅེས་པའི་ ༸རྒྱལ་བའི་ཞབས་བརྟན་གསོལ་འདེབས་ཚིགས་རྐང་བཞི་པོ་རྡོ་བརྐོས་བརྒྱབ་ཡོད་ཀྱང་།  ས་གནས་རྫོང་སྲིད་གཞུང་གིས་༸རྒྱལ་བའི་ཞབས་བརྟན་གསོལ་འདེབས་ནི་ཆབ་སྲིད་ཀྱི་ཚོར་བ་རྣོ་པོ་ཅན་གྱི་ཚིག་བཅད་ཅིག་ཡིན་ཚུལ་བརྗོད་དེ།  དམག་མི་ཁག་ཅིག་ཆེད་གཏོང་གིས་བྲག་ངོས་ཀྱི་༸རྒྱལ་བའི་ཞབས་བརྟན་གསོལ་འདེབས་རྡོ་བརྐོས་མ་དེ་རལ་བཤིག་བཏང་སྟེ་བསུབ་ཡོད་འདུག གནས་ཚུལ་མཁོ་སྤྲོད་པས་བརྗོད་པ་ལྟར་ན། ད་ལོའི་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཉིན་མ་སླེབས་པའི་ཡར་སྔོན་ནས། རྒྱ་གཞུང་འབྲེལ་ཡོད་སྡེ་ཁག་གིས་ཁྲི་འདུ་རྫོང་གི་ས་གནས་མང་ཚོགས་རྣམས་བསྡུ་བསྐོང་བྱས་ཏེ། གསུམ་བཅུ་དུས་དྲན་གྱི་སྐབས་དང་བསྟུན་ནས་མི་སུས་ཀྱང་ཁ་པར་དང་བརྡ་འཕྲིན་བརྒྱུད་ལམ་གང་རུང་ཐོག་ཕྱི་ཕྱོགས་སུ་འབྲེལ་བ་བྱ་མི་ཆོག་པ་དང་། ཁ་པར་ཐོག་ཕྱི་ཕྱོགས་སུ་འབྲེལ་བ་བྱེད་མཁན་ཚོར་རྒྱ་གཞུང་འབྲེལ་ཡོད་མི་སྣས་བརྡ་འཕྲིན་ལག་རྩལ་བརྒྱུད་ལྐོག་ཉན་བྱེད་ཀྱི་ཡོད་ལ།  གལ་སྲིད་གསང་བའི་ཐོག་ཕྱི་ཕྱོགས་ལ་གནས་ཚུལ་གཏོང་མཁན་ཡོད་ཚེ་ཁྲིམས་ཐག་ནན་མོ་གཅོད་རྒྱུ་ཡིན་སྐོར་སོགས་བརྗོད་དེ།  གསུམ་བཅུའི་དུས་དྲན་གྱི་སྐབས་ཕྱི་ཕྱོགས་སུ་འབྲེལ་བ་མི་ཡོང་བའི་ཆེད་ས་གནས་མང་ཚོགས་ལ་འཇིགས་སྐུལ་བྱས་ཡོད་འདུག

བོད་མིའི་རང་དབང་སྒེར་ལངས་གསུམ་བཅུ་དུས་དྲན་གྱི་ཕྱི་ཉིན།  རྒྱ་གཞུང་དྲག་ཆས་ཉེན་རྟོག་པས་དགའ་བདེ་རྫོང་ཐོག་ཏུ་རྩོམ་པ་པོ་གྲྭ་ཁྲི་བཙན་ལགས་གློ་བུར་འཇུ་བཟུང་བཙན་ཁྲིད་བྱས་ཏེ་གར་སོང་ཆ་མེད་དུ་གྱུར་ཡོད་པ་མ་ཟད།  དུང་སྐྱབས་དགོན་པའི་ནང་བདེ་སྲུང་མི་སྣ་དང་གཞུང་གི་ལས་བྱེད་མི་སྣ་བརྒྱ་ཙམ་འདུག་སྡོད་བྱས་ཏེ། དགོན་པའི་གྲྭ་བཙུན་རྣམས་རྒྱལ་གཅེས་ཆོས་གཅེས་ཀྱི་དྲིལ་བསྒྲགས་སློབ་གསོ་སྤེལ་བཞིན་ཡོད་འདུག རྩོམ་པ་པོ་གྲྭ་ཁྲི་བཙན་ནམ་ཁྲི་བོད་ཁྲག་ལགས། འདི་ག་ལྟེ་གནས་ཁང་དུ་གནས་ཚུལ་འབྱོར་གསལ། གྲྭ་ཁྲི་བཙན་ལགས་ཀྱིས་དགའ་བདེ་རྫོང་ཁོངས་སུ་ཡོད་པའི་སྤྲུལ་སྐུ་ཧཱུཾ་ཀར་རྡོ་རྗེ་ལགས་ཀྱི་ལུང་སྔོན་དགོན་པར་ཕྱིན་ཏེ་སློབ་གཉེར་གནང་བཞིན་ཡོད་པ་དང་།  ཁོང་ལ་ལོ་ན་རྒན་པའི་ཨ་མ་གཅིག་པུ་མ་གཏོགས་ནང་མི་གཞན་གང་ཡང་མེད་སྟབས།  ཉེ་སྔོན་དགུན་ཁའི་གུང་གསེང་སྐབས་ཕྱིར་ནང་དུ་ལོག་སྟེ་ཨ་མ་དང་མཉམ་དུ་བསྡད་ཡོད་ཀྱང་།   ཕྱི་ལོ་ ༢༠༡༣ ཟླ་ ༣ པའི་ཚེས་ ༡༡ ཉིན་ཁོང་དགའ་བདེ་རྫོང་ཐོག་ཏུ་བསྐྱོད་ཡོད་པ་དང་། སྐབས་དེར་རྒྱ་གཞུང་དྲག་ཆས་ཉེན་རྟོག་པས་ཁོང་རྫོང་ཐོག་ནས་གློ་བུར་འཇུ་བཟུང་བཙན་ཁྲིད་བྱས་ཏེ་གར་སོང་ཆ་མེད་དུ་གྱུར་ཡོད་འདུག  ད་ལྟའི་བར་ནང་མི་དང་གྲོགས་པོ་སོགས་མི་སུ་གང་ཡང་ཁོང་དང་ཐུག་འཕྲད་བྱེད་བཅུག་མེད་སྟབས།  ད་སྐབས་ཁོང་མགོ་ལོག་ཁུལ་དང་དགའ་བདེ་རྫོང་གང་ཞིག་ཏུ་བཀག་ཉར་བྱས་ཡོད་མེད་ཤེས་རྟོགས་བྱུང་ཐུབ་མི་འདུག དེ་བཞིན། ཕྱི་ཟླ་ ༣ པའི་ཚེས་ ༡༥ ཉིན་དགའ་བདེ་རྫོང་གི་འབྲེལ་ཡོད་ལས་བྱེད་ཁག་ཅིག་སྟོང་སྐྱབས་དགོན་པའི་ནང་ཡོང་སྟེ།   གྲྭ་ཁྲི་བཙན་ལགས་ཀྱིས་བརྩམས་པའི་དེབ་དེར་དཔལ་འབྱོར་གྱི་མཐུན་རྐྱེན་སྦྱོར་མཁན་གྲྭ་བ་རྣམས་རྩིས་སྤྲོད་དགོས་ལུགས་ཀྱི་བཙན་བཀའ་བཏང་ཡོད་འདུག དགོན་པའི་གྲྭ་བཙུན་རྣམས་ཀྱིས་ངོས་ལེན་བྱས་མེད་སྟབས།...

༢༠༡༣ ཟླ་ ༣ ཚེས་ ༡༦ ཉིན་རང་ལུས་མེར་བསྲེགས་ཀྱིས་སྐུ་གྲོངས་མཁན་རྔ་པ་ཀིརྟི་དགོན་པའི་གྲྭ་བློ་བཟང་ཐོགས་མེད་ལགས། བོད་མིའི་རང་དབང་སྒེར་ལངས་གསུམ་བཅུ་དུས་དྲན་གྱི་ཉིན་གཉིས་ཀྱི་རྗེས་ཏེ། ཕྱི་ཟླ་ ༣ ཚེས་ ༡༦ ཉིན་བོད་མདོ་སྨད་རྔ་པ་ཀིརྟི་དགོན་པའི་དགེ་འདུན་པ་ཞིག་གིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་པ་དང་། ཁོང་ནི་བོད་ནང་རང་ལུས་མེར་བསྲེགས་གནང་མཁན་ ༡༠༩ པ་དེ་ཆགས་ཡོད་པ་རེད། དམ་པ་ཁོང་གིས་རང་བསྲེགས་བཏང་བའི་ཉིན་མོ་དེ་ནི། ཕྱི་ལོ་ ༢༠༠༨ ལོར་བོད་ས་ཡོངས་སུ་ས་བྱི་ཞི་རྒོལ་ཆེན་མོ་བྱུང་སྐབས། རྒྱ་གཞུང་གིས་རྔ་པར་བོད་མི་མང་པོ་ཞིག་དམར་གསོད་བྱས་པའི་དུས་དྲན་གྱི་ཉིན་མོར་ཁེལ་ཡོད་པ་རེད།འདི་ག་ལྟེ་གནས་ཁང་ལ་གནས་ཚུལ་འབྱོར་གསལ། ཕྱི་ལོ་ ༢༠༡༣ ཟླ་ ༣ པའི་ཚེས་...

རྒྱ་གཞུང་གིས་ཁྲིམས་མཐུན་བརྒྱུད་རིམ་གང་ཡང་མེད་པའི་ཐོག་ནས།  ཉེ་ཆར་བོད་ནང་དགེ་འདུན་པ་ཞིག་ལོ་ ༥ ཡི་དུས་བཀག་བཙོན་འཇུག་དང་། མི་སྐྱ་གླུ་བ་ཞིག་ལ་ལོ་ ༦ གི་དུས་བཀག་བཙོན་འཇུག་བཅས་ཀྱི་ཁྲིམས་ཐག་བཅད་འདུག ལོ་ ༥ བཙོན་འཇུག་ཁྲིམས་ཐག་བཅད་པའི་གྲྭ་བློ་བཟང་སྤྱིན་པ་ལགས། ལོ་ ༦ གི་བཙོན་འཇུག་ཁྲིམས་ཐག་བཅད་པའི་གླུ་བ་བློ་བློ་ལགས། འདི་ག་ལྟེ་གནས་ཁང་དུ་གནས་ཚུལ་འབྱོར་གསལ། ཕྱི་ལོ་ ༢༠༡༢ ཟླ་ ༩ ཚེས་ ༡ ཉིན་རྒྱ་གཞུང་གིས་སྐྱེ་རྒུ་མདོ་ཁྲི་འདུ་རྫོང་ཉ་མཚོ་ཟིལ་དཀར་དགོན་པའི་དགེ་འདུན་པ་ ༥ འཇུ་བཟུང་བྱས་པའི་ཁྲོད་ནས། དབང་པོ་སྐྱོན་ཅན་ཡིན་པ་གྲྭ་ངག་དབང་སྨོན་ལམ་ལགས་ཟླ་གཅིག་རིང་བཀག་ཉར་བྱས་རྗེས་ཀློད་གྲོལ་བཏང་ཡོད་པ་དང་། གཞན་རྣམས་མུ་མཐུད་བཀག་ཉར་བཙོན་འཇུག་བྱས་ཏེ་ཟླ་འགའ་ཕྱིན་པའི་རྗེས།  བཙོན་ཁང་ནང་ཉེས་རྡུང་མནར་གཅོད་ཚད་མེད་བཏང་བར་བརྟེན་ནས།...

གྲྭ་ཚེ་དཔག་ལགས་ བོད་མིའི་རང་དབང་སྒེར་ལངས་གསུམ་བཅུ་དུས་དྲན་ཐེངས་ ༥༤ པའི་སྔ་ཉིན་སྟེ་ཟླ་འདིའི་ཕྱི་ཚེས་ ༩ ཉིན་གྱི་མཚན་མོར།  རྒྱ་གཞུང་གིས་གསང་བའི་ཐོག་ནས་རྔ་པ་ཀིརྟི་དགོན་པའི་གྲྭ་ཚེ་དཔག་ལགས་འཇུ་བཟུང་བཙན་ཁྲིད་བྱས་ཡོད་པ་དང་།  དེ་ནི་རྒྱ་གཞུང་གིས་ཁྲིམས་མཐུན་མ་ཡིན་པའི་ཐོག་ཁོང་འཇུ་བཟུང་བྱས་པ་ཐེངས་གཉིས་པ་དེ་ཆགས་ཡོད།འདི་ག་ལྟེ་གནས་ཁང་ལ་གནས་ཚུལ་འབྱོར་གསལ། ཕྱི་ལོ་ ༢༠༡༣ ཟླ་ ༣ པའི་ཚེས་ ༩ ཉིན་གྱི་མཚན་མོའི་བོད་ནང་གི་དུས་ཚོད་ ༡༢ ཙམ་ལ།  རྔ་པ་ཀིརྟི་དགོན་གྱི་གྲྭ་ཚེ་དཔག་ལགས་དགོན་པའི་ཤར་ཕྱོགས་ཀྱི་ཉེ་འཁྲིས་སུ་ཡོད་པའི་གྲོང་བའི་ནང་སྲུང་མོ་ནད་པ་ཞིག་ཡོད་པ་དེར་ནད་གཡོགས་བྱས་ནས་བསྡད་ཡོད་པའི་སྐབས།  རྒྱ་གཞུང་གི་ཉེན་རྟོག་མི་སྣས་ཁོང་འཇུ་བཟུང་བཙན་ཁྲིད་བྱས་ཡོད་འདུག  ཡིན་ནའང་།  ད་བར་ནང་མི་ཉེ་འབྲེལ་སོགས་ཀྱིས་རྒྱ་གཞུང་གིས་ཁོང་ལ་ཉེས་འཛུགས་ག་རེ་བྱེད་ཀྱི་ཡོད་མེད་དང་།  ཁོང་ད་ལྟ་གར་ཡོད་གར་ཁྲིད་ཀྱི་གནས་ཚུལ་གཅིག་ཀྱང་ཤེས་རྟོགས་ཐུབ་མི་འདུག དེ་སྔོན་གྲྭ་ཚེ་དཔག་ལགས་ཀྱིས་པེ་ཅིང་མི་རིགས་སློབ་གྲྭ་ཆེན་མོའི་ནང་ཟུར་སྦྱོང་བྱེད་བཞིན་པའི་བར་སྐབས་སྟེ།  ཕྱི་ལོ་ ༢༠༡༡ ཟླ་...

འདི་ག་ལྟེ་གནས་ཁང་དུ་གནས་ཚུལ་འབྱོར་གསལ། རྒྱ་གཞུང་གིས་སུམ་བཅུའི་དུས་དྲན་ཐེངས་ ༥༤ པ་དང་སྟབས་བསྟུན་ནས།   ཟླ་འདིའི་ཕྱི་ཚེས་ ༧ ཉིན་ལྷ་ས་ཁུལ་དུ་ལག་ཁྱེར་ཁ་པར་ཐོག་དམིགས་བསལ་ཞིབ་བཤེར་བྱེད་མཁན་བརྡ་འཕྲིན་ཆེད་མཁས་རུ་ཁག་ཅིག་ཆེད་གཏོང་བྱས་ཡོད་འདུགཕྱི་ལོ་ ༢༠༡༣ ཟླ་ ༣ པའི་ཚེས་༨ ཉིན་ལྷ་སའི་གདན་ས་ཁག་གསུམ་གྱི་ཡ་གྱལ་འབྲས་སྤུངས་དགོན་པའི་ནང་རྒྱ་གཞུང་གི་ཞིབ་བཤེར་རུ་ཁག་ཅིག་སླེབས་ཏེ། དགོན་པའི་ནང་ཉིན་ ༤ རིང་གྲྭ་བཙུན་རྣམས་ཀྱི་ལག་ཐོག་ཁ་པར་ལ་ཆེད་དམིགས་ཞིབ་བཤེར་གྱི་ལས་འགུལ་ཞིག་སྤེལ་མགོ་བརྩམས་ཡོད་པ་མ་ཟད།  ཞིབ་བཤེར་ལས་དོན་རུ་ཁག་དེ་རིམ་པས་ལྷ་སའི་སེར་ར་དགོན་པ་དང་དགའ་ལྡན་དགོན་པ། ར་མོ་ཆེ། གཙུགས་ལག་ཁང་། དེ་མིན་གྱི་དགོན་པ་གཞན་ཁག་གི་ནང་དུ་ལའང་ལག་ཐོག་ཁ་པར་ལ་ཞིབ་བཤེར་ཆེད་བསྐྱོད་གཏན་ཁེལ་ཡོད་པ་དང་། གལ་སྲིད་ཞིབ་བཤེར་ལས་དོན་རུ་ཁག་དེས་བོད་ནང་གི་བོད་མི་ཚོས་ཕྱི་རྒྱལ་ཁག་ལ་འབྲེལ་བ་བྱེད་ཀྱི་ཡོད་པ་ཤེས་རྟོགས་བྱུང་ཚེ་དུས་ཐོག་འཇུ་བཟུང་བཙོན་འཇུག་བྱ་རྒྱུ་ཡིན་སྐོར་བརྗོད་ཡོད་འདུག འབྲེལ་ཡོད་ནས་བརྗོད་གསལ་ལྟར་ན། ཞིབ་བཤེར་ལས་དོན་རུ་ཁག་དེ་ནི་རྒྱ་ནག་པེ་ཅིང་ནས་ཡོང་བའི་བརྡ་འཕྲིན་ཚན་རྩལ་ཆེད་མཁས་པ་ཁག་ཅིག་ཡིན་པ་དང་། དགོན་པ་སོ་སོའི་ནང་ཉིན་བཞི་དང་ལྔ་རེར་བརྟག་དཔྱད་བྱས་ཏེ་སྡོད་རྒྱུ་ཡིན་འདུག དེ་བཞིན།  ད་ལོའི་ལོ་གསར་ཚེས་ ༡...

འདི་ག་ལྟེ་གནས་ཁང་ལ་གནས་ཚུལ་འབྱོར་གསལ། ཟི་ཁྲོན་ཞིང་ཆེན་དཀར་མཛེས་སེར་ཤུལ་རྫོང་ཐོག་ནས་གྲྭ་བློ་བཟང་བསམ་གཏན་དང་། བསོད་ནམས་རྣམ་རྒྱལ། ཐུབ་བསྟན་དགེ་ལེགས་གསུམ་གྱིས་རང་དབང་དང་དམངས་གཙོ་དགོས་པ་སོགས་ཀྱི་སྐད་འབོད་བྱས་ཤིང་། འཕྲེད་དར་ཐོག་ཡི་གེ་དང་༸གོང་ས་མཆོག་གི་སྐུ་པར་ཕྱར་ཏེ་ངོ་རྒོལ་ཁྲོམ་སྐོར་བྱས་ཡོད་ལ།  རྒྱ་གཞུང་ཉེན་རྟོག་པས་ཁོང་གསུམ་འཇུ་བཟུང་བྱ་རྩིས་བྱས་སྐབས། མི་སྐྱ་བློ་བཟང་སྐལ་བཟང་དང་ངག་དབང་རྒྱ་མཚོ་གཉིས་ཀྱིས་བཀག་འགོག་བྱས་རྐྱེན།  རྒྱ་གཞུང་ཉེན་རྟོག་པས་མི་ལྔ་པོ་མཉམ་དུ་འཇུ་བཟུང་བཙན་ཁྲིད་བྱས་འདུག གྲྭ་བློ་བཟང་བསམ་གཏན་དང་། བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༥༤ པ་སྟེ། ཕྱི་ལོ་ ༢༠༡༣ ཟླ་ ༣ ཚེས་༨ ཉིན་གྱི་བོད་ནང་གི་སྔ་དྲོ་ཆུ་ཚོད་ ༡༡ : ༥༠ ཙམ་ལ། དགེ་འདུན་པ་བློ་བཟང་བསམ་གཏན་དང་བསོད་ནམས་རྣམ་རྒྱལ། ཐུབ་བསྟན་དགེ་ལེགས་གསུམ་གྱིས།  བོད་མདོ་ཁམས་དཀར་མཛེས་ཁུལ་སེར་ཤུལ་རྫོང་ཐོག་ཏུ་ཞི་བའི་སྐད་འབོད་བྱས་སྐབས།  རས་གཞི་དཀར་པོའི་འཕྲེད་དར་ཞིག་གི་སྟེང་འབོད་ཚིག་བྲིས་ཡོད་ཀྱང་།...