མཉམ་འབྲེལ་རྒྱལ་ཚོགས་སྙན་ཞུ།

ཉེ་ལམ་འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འཛིན་སྐྱོང་འགན་འཛིན་བསྟན་འཛིན་ཟླ་བ་ལགས་དང་། ཉམས་ཞིབ་པ་ངག་དབང་ལུང་རྟོགས་ལགས་རྣམ་གཉིས་སུད་སི་ཇེ་ནི་ཝར་ཚོགས་པའི་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཁང་གི་ཚོགས་ཆེན་ཐེངས་ ༥༤ པར་མཉམ་ཞུགས་གནང་སྟེ། ཚོགས་ཐོག་ཏུ་བོད་ནང་གི་འགྲོ་བ་མིའི་ཐོབ་ཐང་སྐོར་སྙན་སྒྲོན་ཞུས་པ་དང་། ཟུར་སྤེལ་ལས་རིམ་འདྲ་མིན་ནང་མཉམ་ཞུགས་བྱས་ཐོག་རྒྱལ་ཁབ་དུ་མའི་འབྲེལ་ཡོད་སྐུ་ཚབ་དང་། དུས་རྒྱུན་མཉམ་ལས་བྱེད་མཁན་གྱི་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་བཅས་སུ་ཐུག་འཕྲད་དང་གྲོས་མོལ་བྱས་ཡོད། ད་ལན་གྱི་ཞུ་གཏུག་ལས་འགུལ་དེས་ལོ་རྗེས་མ་ ༢༠༢༤ ལོའི་ཕྱི་ཟླ་དང་པོའི་ནང་དུ་མཉམ་འབྲེལ་རྒྱལ་ཚོགས་ནས་རྒྱ་ནག་གི་འོག་གི་འགྲོ་བ་མིའི་ཐོབ་ཐང་གི་གནས་བབ་ཐད་རེས་འཁོར་ཞིབ་བཤེར་Universal Periodic Review (UPR) ཐེངས་བཞི་པ་བྱ་རྒྱུའི་དུས་ལ་བབ་ཡོད་པར་བརྟེན། རྒྱ་གཞུང་གིས་ངོས་ནས་བོད་ནང་དུ་འགྲོ་བ་མིའི་ཐོབ་ཐང་དང་འགལ་བའི་གདུག་རྩུབ་རང་བཞིན་གྱི་སྲིད་ཇུས་ལག་བསྟར་བྱེད་བཞིན་ཡོད་པར་གཙོ་འདོན་ཡོང་ཐབས་བྱས་ཡོད། ཞུ་གཏུག་ལས་འགུལ་དེའི་ནང་གཙོ་བོ་རྒྱ་ནག་གཞུང་གིས་བོད་ནང་གི་ཆོས་དད་རང་དབང་རྡོག་རོལ་གཏོང་བཞིན་པའི་གནད་དོན་དང་། བོད་ཀྱི་སྐད་ཡིག་ལ་འཆར་གཞི་ལྡན་པའི་ལམ་ནས་ཉམས་རྒུད་གཏོང་བཞིན་པའི་སྐོར། དེ་བཞིན་བོད་ནང་གི་བོད་མི་ཚོའི་སྨྲ་བརྗོད་རང་དབང་དང་། འདུ་འཛོམས་རང་དབང་རྡོག་རོལ་ཚབས་ཆེན་བཏང་སྟེ་བོད་མི་མང་དག་ཅིག་འཇུ་བཟུང་བཙན་ཁྲིད་ཀྱིས་རྒྱུན་ལྡན་གྱི་ཁྲིམས་བཤེར་དང་། རང་དབང་ལྡན་པའི་ཁྲིམས་རྩོད་པ་གླ་རྒྱུ་སོགས་ཀྱི་ཐོབ་ཐང་རྩ་ནས་སྤྲོད་ཀྱི་མེད་པའི་སྐོར་དང་། དེ་བཞིན་༧གོང་ས་མཆོག་གི་ཡང་སྲིད་ཀྱི་གནད་དོན་དང་། བོད་ཀྱི་ཆབ་སྲིད་བཙོན་པ་རྣམས་ཀྱི་གནས་སྟངས་སོགས་ཀྱི་སྐོར་ལ་གླེང་སློང་བྱས་ཡོད། མ་ཟད་རྒྱ་ནག་གིས་ཁྲིམས་འགལ་ཐོག་གསང་ཞིབ་ས་ཚུགས་སོགས་སུ་བོད་ཀྱི་ཆབ་སྲིད་བཙོན་པ་མང་དག་ཅིག་བཀག་ཉར་བྱས་ཏེ། རྡུང་རྡེག་མནར་གཅོད་དང་། བཙན་དབང་འོག་གར་སོང་ཆ་མེད་ཀྱི་གནས་སུ་སྐྱེལ་བཞིན་ཡོད་པའི་གནས་ཚུལ་དང་། རྒྱ་གཞུང་གིས་དེང་གི་ཆར་རང་དབང་རྒྱལ་ཁབ་མང་པོའི་ནང་དུའང་རྣམ་པ་འདྲ་མིན་གྱི་ལམ་ནས་རྒྱལ་མཚམས་ལས་བརྒལ་བའི་གཉའ་གནོན་གྱི་ལས་འགུལ་སྤེལ་ཏེ་བཙན་བྱོལ་བོད་མི་ཚོའི་ཁ་འགོག་བྱེད་བཞིན་ཡོད་པའི་སྐོར་གྱི་གནས་ཚུལ་ཡང་འགྲེལ་བརྗོད་བྱས་ཡོད། ཕྱི་ཟླ་ ༩...

ཕྱི་ལོ་ ༢༠༢༤ ལོའི་ཟླ་དང་པོའི་ནང་དུ་རྒྱ་ནག་གིས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་སྤྱི་ཆིངས་ཁག་ལག་བསྟར་ཅི་ཙམ་བྱུང་མིན་ཐད་ཡོངས་ཁྱབ་རེས་འཁོར་སྙན་ཐོ་ Universal Periodic Review (UPR) ཐེངས་བཞི་པ་སྙན་འབུལ་བྱ་རྒྱུའི་དུས་ལ་འཁེལ་ཡོད་པར་བརྟེན། འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་མཉམ་འབྲེལ་རྒྱལ་ཚོགས་སུ་བོད་ནང་གི་ཛ་དྲག་གནས་སྟངས་དང་འབྲེལ་བའི་རང་དབང་ལྡན་པའི་དཔྱད་གཞིའི་སྙན་ཐོ་ཕུལ་ཡོད།   དཔྱད་གཞིའི་སྙན་ཐོ་དེའི་ནང་དུ་རྒྱ་ནག་གཞུང་གིས་བོད་ནང་གི་ཆོས་དད་རང་དབང་ལ་བཀག་བསྡོམས་བྱས་པའི་གནས་ཚུལ་དང་། བོད་ཀྱི་སྐད་ཡིག་སྲུང་སྐྱོབ་ཀྱི་ཐོབ་ཐང་རྡོག་རོལ་ཐེབས་བཞིན་པ། བོད་ནང་དུ་སྨྲ་བརྗོད་རང་དབང་དང་འདུ་འཛོམས་ཀྱི་རང་དབང་སོགས་མེད་པ། དེ་བཞིན་བོད་ཀྱི་ཆབ་སྲིད་བཙོན་པ་དང་བཀག་ཉར་འོག་ཚུད་མཁན་ཚོར་མནར་གཅོད་དྲག་པོ་ཐེབས་བཞིན་ཡོད་པ་དང།  དྲང་བདེན་ཁྲིམས་བཤེར་གྱི་ཐོབ་ཐང་རག་གི་མེད་པའི་གནད་དོན་སོགས་གསལ་འདོན་བྱས་ཡོད།   འདི་ག་ལྟེ་གནས་ཁང་གིས་རྒྱ་ནག་གི་རེས་འཁོར་སྙན་ཐོ་ཐེངས་བཞི་པའི་གྲོས་གླེང་ནང་དུ་གོང་གསལ་གནད་དོན་ཁག་གི་སྒང་གླེང་སློང་དང་དོ་སྣང་ཡོང་བའི་སླད་དུ་ད་དུང་མུ་མཐུད་རྒྱལ་ས་ལྡི་ལིའི་ནང་གི་རྒྱལ་ཁབ་སོ་སོའི་གཞུང་ཚབ་ཁང་དང་དོན་གཅོད་ལས་ཁུངས་ཁག དེ་བཞིན་སུད་སི་ཇེ་ནི་ཝ་ཡི་མཉམ་འབྲེལ་རྒྱལ་ཚོགས་ཀྱི་གཏན་འཇགས་དོན་གཅོད་མི་སྣ་སོགས་ལ་བཅར་ཏེ་རེ་ཞུའི་ལས་འགུལ་སྤེལ་འཆར་ཡོད།   ལྟེ་གནས་ཁང་གིས་དཔྱད་གཞིའི་སྙན་ཐོ་དེར་གཤམ་གསལ་ལྟར་སྐུལ་འདེབས་ཞུས་ཡོད།   ༡༽ བོད་མི་རྣམས་ལ་རང་གི་སྐད་ཡིག་དང་། ཤེས་ཡོན། ལོ་རྒྱུས་སོགས་སྲུང་སྐྱོབ་དང་དར་སྤེལ་བྱ་རྒྱུ་སོགས་རིག་གཞུང་རྒྱུན་འཛིན་གྱི་ཐོབ་ཐང་དང་ཆོས་ལུགས་དད་མོས་རང་དབང་ཚུལ་བཞིན་སྤྲོད་དགོས།  ༢༽ རྒྱ་གཞུང་གིས་བོད་ཀྱི་དགོན་སྡེ་ཁག་ལ་དམ་དྲག་དང་ལྷ་སྐུ་རྟེན་གསུམ་དང་། ལྷ་ཁང་དང་གྲྭ་ཤག་སོགས་གཏོར་བཤིག་གཏོང་བ་མཚམས་འཇོག་དགོས།   ༣༽ བོད་ནང་འདུ་འཛོམས་རང་དབང་དང་སྨྲ་བརྗོད་རང་དབང་ཚུལ་བཞིན་སྤྲོད་དགོས།   ༤༽ བོད་ནང་གི་སློབ་གྲྭ་ཁག་ཏུ་བསླབ་གཞིའི་སྐད་ཡིག་བོད་ཡིག་ཡིན་པའི་སློབ་གསོའི་ལམ་ལུགས་བསྐྱར་གསོ་བྱེད་དགོས་པ་དང་།  བོད་ཀྱི་སྒེར་བཙུགས་སློབ་གྲྭ་ཁག་སྒོ་བརྒྱག་པའི་ལས་གཞི་མཚམས་འཇོག་དགོས།  ༥༽ བོད་མི་ཚོར་རང་དབང་ལྡན་པའི་ཁྲིམས་རྩོད་པ་གླ་རྒྱུ་དང་།  དྲང་བདེན་དང་ཕྱི་གསལ་ནང་གསལ་ཡིན་པའི་ཁྲིམས་བཤེར་གྱི་གོ་སྐབས་སྤྲོད་དགོས།...

བོད་མི་ལྷ་མོ་བཀྲ་ཤིས་ཀྱིས་རང་ལུས་མེར་བསྲེགས་བྱུང་རྗེས་ས་གནས་བོད་རིགས་མང་ཚོགས་ཀྱིས་རྒྱལ་ཚོགས་ལས་ཁུངས་སྒོ་མདུན་དུ་བོད་ནང་གི་གནས་སྟངས་ཐད་ཞི་བའི་ཁྲོམ་སྐོར་སྐད་འབོད་ལས་འགུལ་ཐོག འདི་ག་ལྟེ་གནས་ཁང་གི་འགན་འཛིན་གྱིས་གཏམ་བཤད་སྤེལ་བཞིན་པ། བོད་ནང་གི་འགྲོ་བ་མིའི་ཐོབ་ཐང་ཛ་དྲག་གནས་སྟངས་རྒྱལ་སྤྱིའི་སྒང་འགྲེལ་བརྗོད་ཆེད། འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས། ༢༠༡༤ ཕྱི་ཟླ་ ༡༤ ནས་ ༢༤ བར་ཇི་ནའེ་ཝར་ཚོགས་ཡོད་པའི། མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་འདུ་ཐེངས་ ༢༧ པའི་སྟེང་ཆེད་བསྐྱོད་ཀྱིས། ཚོགས་འདུའི་བར་གསེང་དག་གི་སྐབས་སུ་མཉམ་འབྲེལ་རྒྱལ་ཚོགས་ཀྱི་དམིགས་བསལ་སྐུ་ཚབ་མི་སྣ་དང་། རྒྱལ་ཁབ་ཁག་གི་ཕྱི་འབྲེལ་མི་སྣ། གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་མི་སྣ་བཅས་དང་མཉམ་དུ་ཐུགས་འཕྲལ་གྱིས། ད་ལྟའི་བོད་ནང་གི་ཛ་དྲག་གནས་སྟངས་འགྲེལ་བརྗོད་ཀྱིས་བོད་ཀྱི་གནད་དོན་ཐད་དོ་སྣང་དང་རྒྱབ་སྐྱོར་ཡོང་བར་འབོད་སྐུལ་ཞུས་ཡོད་པ་རེད། གཞན་ཡང་། འདི་ག་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་ཀྱིས་ཉེན་ཁ་ཅན་འོག་གནས་པའི་མི་རིགས་ལྷན་ཚོགས་ཀྱི་འཐུས་ཚབ་གནང་སྟེ་བསྒྲགས་གཏམ་སྤེལ་ཡོད་པ་དང་། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་དམིགས་བསལ་རྟོག་ཞིབ་པའི་ལས་རོགས་དག་དང་ལྷན་དུ་ཆུ་ཚོད་གཅིག་རིང་བོད་ཀྱི་གནས་ཚུལ་འགྲེལ་བཤད་གནང་ཡོད་པ་རེད། དེ་བཞིན། ཚེས་ ༢༣ ཉིན་འདི་ག་ལྟེ་གནས་ཁང་གི་འགན་འཛིན་ནས། མཉམ་འབྲེལ་རྒྱལ་ཚོགས་ཆོས་ལུགས་རང་དབང་ཐད་ཀྱི་དམིགས་བསལ་རྟོག་ཞིབ་པ་དང་། སྨྲ་བརྗོད་དང་བསམ་བློ་རང་དབང་ཐད་ཀྱི་དམིགས་བསལ་རྟོག་ཞིབ་པ།...