རྒྱ་ནག་གཞུང་གིས་གསར་འགྱུར་རྫུན་མ་དང་དྲྭ་ལམ་ཁྲིམས་འགལ་གྱི་བྱ་སྤྱོད་ལ་རྡུང་རྡེག་ཚ་གནོན་གྱི་ལས་འགུལ་འགོ་བཙུགས་པ།

ཉེ་ལམ་རྒྱ་ནག་གི་རྒྱལ་ས་པེ་ཅིང་དུ་ཀྲུང་གོ་གུང་ཁྲན་ཏང་གི་ཀྲུང་དབྱང་ཨུ་ཡོན་ལྷན་ཁང་དྲིལ་བསྒྲགས་པུའུ་ཡིས་གཙོ་བྱས་ནས་མི་དམངས་ཁྲིམས་ཁང་ཆེན་མོ་དང་གཞུང་གི་དོ་དམ་འོག་ཡོད་པའི་རྒྱལ་ཡོངས་གསར་འགོད་ལྷན་ཚོགས། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆེས་མཐོའི་མི་དམངས་ཞིབ་དཔྱོད་ཁང་།  ཀྲུང་གོའི་དྲྭ་རྒྱའི་དོ་དམ་ལྷན་ཁང་། བཟོ་ལས་དང་བརྡ་འཕྲིན་དོ་དམ་ལྷན་ཁང་། སྤྱི་ཚོགས་བདེ་འཇགས་ལྷན་ཁང་། ཁྲོམ་རའི་དོ་དམ་ལྷན་ཁང་། ཁྲལ་བསྡུ་ལས་ཁུངས། རྒྱལ་ཡོངས་རླུང་འཔྲིན་དང་། གློག་བརྙན་དོ་དམ་ལྷན་ཁང་བཅས་མཐོ་རིམ་ལྷན་ཁང་ཁག་བཅུ་མཉམ་བསྡུས་ཀྱིས་ཚོགས་ཆེན་ཚོགས་ཏེ་“གསར་འགྱུར་རྫུན་མ་དང་ཁྲིམས་འགལ་གྱི་དྲྭ་ལམ་བྱ་སྤྱོད་རིགས”ལ་རྡུང་རྡེག་ཚ་གནོན་གྱི་ལས་འགུལ་འགོ་འཛུགས་ཞུ་རྒྱུ་ཡིན་པ་གསལ་བསྒྲགས་བྱས།