16/12/2019

གངས་སྐྱེས་སྒྲུབ་པ་སྐྱབས་ལོ་དུས་མ་རྫོགས་པར་གློད་གྲོལ་བཏང་འདུག

  •   
  •  
  •  
  •  
  •  
  •  
  •  

Kyab DL

རྒྱ་གཞུང་གིས་གངས་སྐྱེས་སྒྲུབ་པ་སྐྱབས་ལ་“དམར་ཤོག་རྒོལ་ལན་ཚོགས་པ་”ཞེས་པའི་ཚོགས་མི་དང་བོད་དོན་ལས་འགུལ་སྣ་མང་སྤེལ་བའི་ཉེས་འཛུགས་བྱས་ཏེ། འཇུ་བཟུང་བཀག་ཉར་དང་ཁྲིམས་ཐག་ལོ་ལྔ་དང་ཕྱེད་ཀ་བཅད་ཡོད་ཀྱང་།   ལོ་དུས་མ་ཚང་བར་གློད་གྲོལ་བཏང་འདུག

བཙན་བྱོལ་གྱི་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། ཕྱི་ལོ་༢༠༡༦ཟླ་༩ཚེས་༡༦ཉིན་གྱི་བོད་ནང་གི་ཕྱི་བྲོའི་ཆུ་ཚོད་༥སྟེང།  རྩོམ་པ་པོ་གངས་སྐྱེས་སྒྲུབ་པ་སྐྱབས་རྒྱ་གཞུང་གི་བཙོན་ཁང་ར་རྔ་ཁ་ཞེས་པ་ནས་གློད་གྲོལ་བཏང་འདུག  དེ་ནི་ཁོང་གི་ཁྲིམས་ཆད་ཀྱི་དུས་ཡུན་ལོ་ལྔ་དང་ཕྱེད་ཀར་ཚང་རྒྱུར་ལོ་གཅིག་ལྷག་ཡོད་ཀྱང་གློད་གྲོལ་བྱུང་བ་ཞིག་ཆགས་ཡོད།

ཁོང་གི་ཁྱིམ་མི་གཉེན་ཉེ་དང་ཡུལ་མི་རྒྱ་ཆེར་འཛོམས་ཐོག  གུར་ཆེན་ཕུག་པའི་ནང་དུ་༼གངས་སྐྱེས་སྒྲུབ་པ་སྐྱབས་གཟི་བརྗིད་ངང་ཕྱིར་ཕེབས་པར་རྟེན་འབྲེལ་ཞུ་་༽ཞེས་འཕྲེད་དར་བཀལ་ཞིང་། བོད་ལྭ་དཀར་པོ་ཆ་ཚང་ཞིག་གོན་ནས་ཁྲི་ཀར་བཞུགས་པའི་རྩོམ་པ་པོ་ཁོང་གིས།     མགོ་སྟེང་དུ་༧གོང་ས་མཆོག་གི་སྐུ་པར་བཞག་ནས་གསོལ་འདེབས་ཞུ་ཡི་འདུག་ལ།    བོད་ཟས་ཐུད་དང་ཞོ།   གོ་རེ་སོགས་སྡེར་ཁ་བསྒྲིགས་ཏེ་ཕེབས་བསུའི་དགའ་སྟོན་ཟབ་རྒྱས་ཞུས་འདུག

tsampa

རྩོམ་པ་པོ་གངས་སྐྱེས་སྒྲུབ་པ་སྐྱབས་ལགས་ནི་༢༠༡༢ ལོའི་ཕྱི་ཟླ་ ༢ ཚེས་ ༡༥ ཉིན་རྒྱ་གཞུང་གི་འབྲེལ་ཡོད་ཉེན་རྟོག་པས་འཛིན་བཟུང་བྱས་ཏེ།    ༢༠༡༣ ལོའི་ཕྱི་ཟླ་ ༨ ཚེས་ ༡ ཉིན། ཉག་ཆུ་རྫོང་ས་གནས་མི་དམངས་ཁྲིམས་ཁང་གིས།      ཁོང་ལ་ལོ་ ༥ དང་ཟླ་ ༦ གི་དུས་བཀག་ཁྲིམས་ཐག་བཅད་ཡོད་པ་རེད།    ཁོང་ནི་ད་ལྟ་དགུང་ལོ་༣༧དང་། ཁམས་དཀར་མཛེས་ཁུལ་གསེར་རྟ་རྫོང་རགས་བཀྲམ་ཡུལ་ཚོའི་གེ་འཕེན་སྡེ་པ་ནས་ཡིན་པ་དང་། རགས་བཀྲམ་ཡུལ་ཚོའི་སློབ་ཆུང་དང་གསེར་རྟ་རྫོང་སློབ་འབྲིང་བཅས་རིམ་པར་བརྒྱུད་མཐར། དཀར་མཛེས་རྫོང་དུ་ཡོད་པའི་དགེ་འོས་སློབ་གྲྭ་རུ་སློབ་ཐོན་བྱུང་རྗེས།     བརྡར་ཚང་དང་ཧོར་ཤུལ་ཡུལ་ཚོ་གཉིས་ཀྱི་སློབ་གྲྭ་རུ་སྔ་རྗེས་དགེ་རྒན་གྱི་ཕྱག་ལས་གནང་ཡོད་ལ།  ཁོང་འཛིན་བཟུང་སྐབས་མཁན་པོ་ཚུལ་ཁྲིམས་བློ་གྲོས་ཀྱིས་བྲག་མགོ་རྫོང་ཁོངས་སུ་གསར་འཛུགས་གནང་བའི་སློབ་གྲྭ་ཞིག་ཏུ་དགེ་རྒན་གྱི་ཕྱག་ལས་གནང་བཞིན་ཡོད་འདུག

རྩོམ་པ་པོ་ཁོང་གིས་ལས་ཞོར་དུ་རྩོམ་ཡིག་མང་པོ་བྲིས་ཡོད་པ་དང་།   ཁོང་གིས་བྲིས་རྩོམ་གནང་པའི་རྩོམ་དེབ་ཁག་ཅིག་ཀྱང་སྤྱི་ཚོགས་ཁྲོད་འགྲེམས་སྤེལ་བྱས་ཡོད་པ་མ་ཟད། ༢༠༠༨ ལོར་བོད་ས་ཡོངས་སུ་ཞི་རྒོལ་བྱུང་སྐབས་ཀྱི་གནས་ཚུལ་རྣམས་རྩོམ་བྲིས་གནང་སྟེ། << ས་བྱི་ཁྲག་བྲིས་དམར་པོ>> ཞེས་པའི་དཔེ་དེབ་ཅིག་ཀྱང་བཏོན་ཡོད་པ་རེད།

kyab